.. يقضة ضمير !!

من اهازيج البشر نبـض ن تلـوع بالحنـان
ومن ترانيم السما والرعد جـاوب بـرق لاح

وياترى نجم الفضا هو ضل عن ذاك المكـان
اقفى من الدنيا سكون ٍ يطوي الليل الصبـاح

غبت افجوج الضلامي كن ما به شـي كـان
حول مرسول العنا تقـدح مقابيـس القـراح

امتـثـل لله قــدره وانصـغـى لله شــــــان
والفلـك دوار لكـن لـه رجـوع ٍ بعـد راح

كم سنين ن جايعة تاكل مـن ايـام الزمــان
وكم دهور ن تاكل اسنين الشقى والمستـراح

في تغبـاط المعانـي شكـر واضـح للعيـان
والقوافـل والقوافـي ماضيـه تحمـل فـلاح

عسر شلفات المحن تجبر على قـو الطعــــان
وحلف اليمين الصادق اللي صدّقه رمي السلاح

صوب الهقاوي ذا ينادي وين حيـا بشهـــــران
شهر ن محرم فيه قتل وشهر غفران و صلاح

قام حظ اللـي بغاهـا بالصفـى والجـــو دان
والبيّنه كالشمس فيها والقمر يخفـت وبـاح

لو تهب النود فجر ويستهيـض اللـي مـدان
كان نسنوس الضحى يولج مداهيـل الريـاح

في ذروة الميدان ساعة تنهي احسوف الرهان
لين يصبح كل مُكره في عـداد اللـي مبــــــاح

لا يختلف طبع الوفا والطيب مادمنـا خـوان
واليالي هي تجارب لو بـدى منهـا شحـاح

يـا ودادي خبرينـي عـن مفاهيـق المعـان
رضوت الامثال تكمن في تراحيـب النصـاح

تشهق الابيات عشره والنفس من روح جـان
وما تبقى غير نفثـه .. تزفـر آلـم الجــــراح

ادرج المعروف كلمه واضحه نطـق اللسـان
واتجاهل ما مضـى ياكـود سجـات المـزاح

للشاعر /غامد الهيلا